Hello sa lahat ng aking masugid na taga-basa… di ba sinabi ko before na i`m planning to write a book ngaung college… well, nagsusulat naman talaga ako ngaun. Ilang beses ko pinag-isipan kung ipo-post ko ba dito sa friendster ung first chapter dahil baka di siya magustuhan ng mga babasa at baka maging sanhi iyon upang di tapusin ang librong sinusulat ko… pero may friend ako na nagpa-realize sa akin na dapat kong ipabasa ung first chapter so that pwede kong i-improve ung style of writing ko, sa pamamagitan ng mga comments ng mga makakabasa… hehehe… so I encourage you to post your constructive comments regarding the first chapter of my book, ok lang maging harsh or sumthing, kanya kanya naman kasi tayong panlasa sa mga nababasa natin. Ang naisip ko nga palang title ay `The Visible Hands of Pinoy Economics` Tunog serious ba? Ahaha… akala mo lang yan… basahin mo nalang ung first chapter… sa mga mahilig mag plagarized diyan… utang na loob, wag muna ngaun… saka na pag sumikat… ahaha… (asa pa) Anyway, enjoy reading this article… God Bless you!
(PS. the title of the first chapter is DEPAYN IKANAMIKS)
Pagkinuha mo o pinili mo ang librong ito sa bookshelf, tatlo lang siguro ang maaaring maging rason. Una, certified ekonomista ka at intresado kang malaman kung sino mang hunghang ang nagsulat ng isang tagalog na libro tungkol sa linya ng ekonomika. Pangalawa, estudyante ka ng kursong B.S. Economics na masyadong nagmamagaling sa linya ng ekonomika at saka mo ipagmamalaki sa mga tao na kaunti lang kayong nakaka-appreciate ng ganitong libro. At ang panghuli at most probably maging rason ay sinaniban ka ng kaluluwa ni Adam Smith para sunugin mo ang librong ito na threat sa kanyang “Wealth of Nations”.
Siguro sa ngayon ay nagsisisi ka na sa pagbili ng librong ito dahil mukhang puro kayabangan at kolokohan lang ang mababasa mo dito. Kung ikaw ay may edad at pamilyadong tao, siguro ay iniisip mo na sana ay bumili ka na lamang ng ilang kilong bigas. O kung teen-ager ka naman, naiisip mong mas maliligayahan ka pang makakita ng mga naglalakihang “puto’t kutsinta” sa FHM o kaya naman ay mga nagsisigawang mga “daga” sa Cosmopolitan Magazine. Pero dahil no choice ka at nabulatlat mo na ang mga pahina nito, babasahin mo na siya ng mayroong sama ng loob. At ngayon siguro ay naiirita ka na dahil sa pagiging sobrang assuming ng author. Sorry naman… ekonomista kasi ako.
Sa totoo lang, hindi ko naman intensiyon na magsulat ng isang teknikal na libro tungkol sa ekonomika o maging sa ekonomiya ng pilipinas. Hindi mo nga kinakailangan ng teknikal na kaalaman para maintindihan ang librong ito. Siguro, kailangan mo lang ng tamang talent sa pagbabasa at kaunting interest sa mga nangyayari sa iyong paligid. Pero bago pa humaba ang ating usapan sa kung anu anu, malinaw na ba talaga sayo ang ibig sabihin ng Economics?
Ang Economics
(Hango sa tunay na buhay)
Kapit-bahay:Totoy, saan ka mag-aaral ng College?
Totoy:Sa U.P. po.
Kapit-bahay:Eh anu namang kurso ang kukunin mo dun?
Totoy:B.S. Economics po!
Kapit-bahay:Economics? Hindi ba pambabae un?
Totoy:Hindi po… bakit niyo po naman nasabi?
Kapit-bahay:E di ba yun ung pagluluto, pananahi ng Apron at Pagko-cross-stitch?
(And the rest was history)
Kung naniniwala ka kay kapit-bahay sa itaas… maari mo ng tignan ang iyong sarili sa salamin at suriing mabuti ang hugis ng iyong mukha. Maari kang yumaman pag napatunayan mong ikaw na lamang ang nabubuhay na Homo-erectus sa mundong ibabaw.
Basic Definitions of Economics
(ayon sa iba pang “homo erectus”)
üKurso ng mga mayayaman at Konyo
üKurso para maging presidente ng Pilipinas
üKurso para sa mga may nunal sa mukha
üKurso ng mga mukhang pera
üKurso para maging endorser ng sabong panlaba
üPag-aaral ng pagbuburda, pananahi at kahit anong ginagamitan ng karayom, sinulid at iba pa.
üPag-aaral ng pagpapalaki ng mga naglulusugang baboy, baka, kalabaw at kambing.
üPag-aaral tungkol sa market… in tagalog… palengke.
Ano nga ba talaga ang Economics?
-Isa itong linya ng pag-aaral na nangangailangan ng matindi-tinding talento sa pambobola at panghuhulang hindi kanakailangang gamitan ng bolang Kristal. Ito rin ang disiplinang bagay na bagay sa mga taong may mild schizophrenia dahil sa kakayahan nilang makakita ng mga bagay-bagay na hindi nakikita ng pinaka-normal na tao.
Ano nga ba ang isang Economist?
- Isang nilalang na marunong gumawa ng sari-saring kwento tungkol sa mga graph na parang wala namang saysay sa mata ng kahit sinong kilalang pintor. Sadyang na-master na rin ng mga taong ganito ang art ng pag-aasume dahil iikot ang mundo nila sa mga assumptions na hindi naman nila alam kung paano naimbento. Marami rin silang kuru-kuro mula sa pagtaas ng presyo ng langis hanggang sa pagtaas ng presyo ng isaw baboy o manok. Nagpapanggap din na worried pagbumababa o tumataas ang exchange rate. Suki rin sila ng business page ng mga broadsheets. Sumasama ang loob sa pagbaba ng stocks ng San Miguel at iba pang sikat na kumpanya subalit hindi naman sila stock holder. Nag-aaral rin sila ng mga teyoryang nakakahilo pero hindi naman nag-eexist sa tunay na buhay. Sila lang ang mga nilalang na dinadamdam ang konsepto ng opportunity cost.
Kung mayroon ng sumisirit na dugo sa ilong mo sa simula pa lamang ng librong ito, hanapin lamang sa internet ang first aid sa balinguyngoy. Kung walang internet connection, tapalan mo na lamang yan ng sanitary napkin with wings, maari rin namang gamitin ang binilog na bulak, Kung nagtitipid ka, ipitin ang iyong ilong gamit ang iyong hinlalaki at hintuturo. Kung di pa rin humihinto ang pagdurugo, itigil ang pagbabasa ng libro ito.
Salamat sa pagbasa…
